Entsegu Klinikoak

Zerbitzu zientifiko-teknikak osorik koordinatzen eta kudeatzen ditu Nafarroako Osasun Departamentuaren eta haren erakunde autonomoen mendeko osasun-zentroetan burutzen diren azterketa klinikoak. ZZTEK entsegu klinikoak eta behaketa-azterketak sustatzeko, horiek mantentzeko eta errazteko lan egiten du, industria farmazeutikoak sustaturiko azterketa komertzialentzat nahiz ikerketa independentekoentzat.

Helburu nagusiak:

1. Ikerketa klinikorako euskarri-azpiegitura ematea osasun-arloko profesionalei.
2. Sustatzaileak/CROak bideratzea, babestea eta orientatzea, prozedurak sinplifikatu eta kudeaketa-denborak laburtzearren.
3. Ikerketa klinikoa sustatzea eta praktika asistentzialean sartzea, gaixoari botika eta tratamendu berriak eskuratzea errazte aldera, beste era batera lortu ezin dituen kasuan, betiere segurtasuna bermatuaz.
   ​

Gaur egun, Zerbitzuak 250 azterketa kliniko kudeatzen ditu, 24 espezialitate ezberdinetako 99 ikerlarik zuzenduta. Eta hori guztia herritarren osasuna eta ongizatea sustatzeko eta tratamenduaren bide guztiak jada agortu dituzten gaixoei irtenbide berriak eta itxaropena eskaintzeko helburuarekin.

Sareak:

• Entsegu Klinikoko Zerbitzu zientifiko-teknikoak (Spanish Clinical Research Network) SCReN izena duen Carlos III Osasun Institutuko Ikerketa Klinikoko Unitateen eta Entsegu Klinikoen Plataformaren parte dira.