Akitania Berria - Euskadi - Nafarroa Euroeskualdearen esparruan finantzatutako proiektua. Mugaz gaindiko, eskualdearteko eta Europako Euroeskualdearen garapen ekonomiko, sozial eta kulturalari laguntzen dioten proiektuak sustatzeko lankidetzarako gune komuna da.
Proiektuaren helburua Euroeskualdean giza behazun-laginen biobanku komun eta baliagarri bat ezartzea da, "bilebank" bat, biopsia likido hori aztertu beharrezkoak diren prozesuak findu eta bazkideen arteko lankidetza zientifiko eta teknologikoa indartzeko. Proiektu aitzindaria da, izan ere, giza behazunen laginak sistematikoki bilduko dituen nazioarteko biobanku bat garatzeko Europako lehen ekimena da hau.
BILEBANK proiektua Ikerketa Mediko Aplikatuko Fundazioak (FIMA) zuzentzen du, eta Biocruces Bizkaiako Osasun Ikerketarako Institutuak eta Bordeleko Unibertsitateak (Université Bordeaux) parte hartzen dute. Navarrabiomeden parte hartzea Jesús María Urman Fernándezek zuzenduko du, Endoskopia Digestiboko Ikerketa Unitateko kideak.
