Iñigo Lasa lizentziatua da eta Zientzia Biologikoetako ezohiko sariduna Nafarroako Unibertsitatearen eskutik (Iruña, 1988). Doktorego-tesia egin zuen Madrilgo Unibertsitate Autonomoko "Severo Ochoa" Biologia Molekularraren Zentroan (1992). Doktoratu ondoko ikertzaile moduan lan egin zuen Coloniako Max Planck Institutuan (Alemania, 1993) eta Parisko Pasteur Institutuan (1995-97); 2010. urtean, egonaldia egin zuen Cold Spring Harbor laborategietan, New Yorken.
1998. urtean, Mikrobiologiako irakasle titular moduan sartu zen Nafarroako Unibertsitate Publikoan (NUP) eta, 2008az geroztik, gaikuntza nazionalaren prozesua gainditu ondoren, Mikrobiologiako katedradunaren plaza hartu zuen. Irakaskuntza-jardueran mikrobiologiaren eta ingeniaritza genetikoaren arloan oinarritu da. 13 doktorego-tesiren zuzendaria ere izan da.
Karreran zehar, Iñigo Lasa ikertzaile nagusia izan da Espainiako eta Europako 21 proiektutan, eta horien bitartez 100 argitalpen zientifiko baino gehiago egin dira nazioarteko aldizkarietan. Estatu mailan ondokoa izan da Proiektuen Ebaluazioko Agentzia Nazionaleko (ANEP) Biomedikuntza arloan, eta, egun, Ekonomia eta Lehiakortasun Ministerioko Ikerketa Proiektuen Zuzendariordetzako Bioteknologiaren alorreko kudeatzailea da.
2015. urtean, Navarrabiomed - Miguel Servet Fundazioaren zuzendaritza-kargua hartu zuen, Zentroko Patogenesi Mikrobianoaren Unitatearen lidergoari ere eutsiz.
Europako Mikrobiologia Akademiako kide izendatu dute berriki. Ibilbide profesional ezaguna duten Europako mikrobiologoak biltzen ditu entitateak, eta mikrobiologiaren arloan bikaintasuna sustatzea du helburu.
