Saria 10.000 eurokoa da, eta bi proiektu ex aequo jaso dute. Alde batetik, ELAren biomarkatzaile gisa garuneko erresonantzia magnetikoari buruzko azterketa bat aitortu egin da, Nafarroako Ospitale Unibertsitarioak garatu duena, Navarrabiomedekin lankidetzan. Bestea, Nafarroako Unibertsitate Klinikak (CUN) asmatu duen aplikazio bati saria eman zaio, elikadura-alergien tratamendua ahozko immunoterapiarekin monitorizatzeko..

IdiSNAko Zuzendaritza Zientifikoak Teknologia eta Osasuna Fundazioa (FTyS), osasun-teknologiekin lotutako ex aequo bi proiekturi aintzatespena ematea erabaki du. 10.000 euroko zuzkidura du, IdiSNA osatzen duten erakundeek aukera izan zuten sari hori lortzeko, horma-barreneko deialdi baten bidez.

Teresa Cabada doktorea, Nafarroako Ospitale Unibertsitarioko Neurorradiologia Ataleko burua, proposamen irabazle baten burua da. Garuneko erresonantzia magnetikoaren azterketa da, neurona motorreko eritasun degeneratiboko biomarkatzaile gisa. Cabadak deskribatzen duenez, “Alboko Esklerosi Amiotrofikoa (ELA) gaixotasun neurodegeneratibo konplexua da, eta hasieran diagnostikatzea zaila da. Horren ondorioz, diagnostikoa atzeratu egiten da, eta, ondorioz, atzeratu egiten da farmako neurobabesleak emateko prozesua.” Horrek guztiak agerian uzten du garrantzitsua dela diagnostikoaren eta pronostikoaren biomarkatzaileak definitzea ELAn.

Orain arte, ebaluazio kliniko eta neuropsikologikoa egin zaien 33 paziente bildu dira. Erresonantzia magnetikoaren postprozesaketa Navarrabiomedeko Algebra eta Aplikazioak ikerketa-taldeak egiten du. Unitate horrek irudiak aztertzen ditu beste aldagai kliniko batzuekin batera, gaixotasunari edo haren bilakaerari lotutako markatzaile erradiologikoak aurkitzeko. “Sekuentziazio aurreratuko tekniken bidez, matematikariak gai dira alterazio sotilak detektatzeko eta lortutako datuetatik abiatuta eredu prediktiboak sortzeko”, ondorioztatu du.

Nafarroako Gobernuak finantzatu du proiektu hau, eta, orain, IdiSNAren laguntza ekonomikoa du. Erresonantzia magnetikoa etorkizun handiko froga gisa aurkezten da gaixotasuna eta haren bilakaera iragartzeko.

Bigarren aintzatespena Nafarroako Unibertsitate Klinikaren (CUNaren) ekimen bati eman zaio. Ahozko immunoterapiaren bidez elikadura-alergien tratamendua monitorizatzeko aplikazioa asmatu dute. María José Goikoetxea doktorea, Alergologia Saileko aditua, proiektuaren burua da.

Argazkia (Ezkerretik eskuinera): Itiziar Uzqueda (Navarrabiomed), Marisol Gómez (Navarrabiomed), Javier Díaz (NOU), Ivonne Jericó (NOU), Juan Quizhpilema (NOU) Teresa Cabada (NOU), José Manuel Hidalgo (NOU), María José Goikoetxea (CUN), Sergio Sánchez (CUN), Maite Lacunza (CUN) y Amaia Izal (CUN).