Proiektuaren helburua, 73.500 eurorekin finantzatua, zistoskopio eta endoskopioetarako erabili eta botatzeko zorroa garatzea da, gernu-traktuaren azterketa endoskopikoan infekzioak saihesteko.

Deflastrat SL (Euskadi), junto a las empresas Vidorreta Design (Nafarroa), Olaberria (Akitania berria) eta Nafarroako Unibertsitate Ospitaleko Navarrabiomed-ekin batera, Xsleeve proiektu berriaren buru da. Proiektu hori NAENek (Akitania Berria, Euskadi, Nafarroa, Euroeskualdea) onartu du, “Ekonomiaren ezagutza” 2021ko proiektu deialdiaren esparruan. Proiektu honen bidez, zistoskopio eta endoskopioetarako erabili eta botatzeko zorroa garatu nahi da, tresnaren segurtasuna areagotzeko eta kutsadura saihesteko gernu-traktuko prozeduretan.

Xsleeve abian jarrita, lau bazkideek zistoskopiei lotutako arriskuak mugatu nahi dituzte, hala nola maskuria edo gernu-traktua infektatzea. Horrez gain, gaixoekin erabili ondoren, aparatologia garbitzeko eta desinfektatzeko prozesuen dauden arriskuak ezabatu nahi dituzte. Nafarroako Unibertsitate Ospitaleak, Navarrabiomedekin batera, produktuaren balidazio klinikoa eginen du, laborategian probak eginez.

Euroeskualdean lankidetza eta berrikuntza sustatzea

Aipatutako erronkez gain, Xsleevek lurraldeko enpresen arteko lankidetza sustatu eta mugaz gaindiko lankidetza bultzatu nahi du.
InnovMedica mugaz gaindiko partzuergoan sortu zen Xsleeve. Poctefa COMPETITIV’eko europar proiektuak bultzatua, partzuergoa berrikuntzan aritzen da, eta gailu medikoetan eta e-health-en espezializatuta dago. Hiru lurraldeetako enpresa eta zentro teknologikoak biltzen ditu partzuergoak, diagnostikorako, prebentziorako eta tratamenduen kontrolerako neurrira egindako gailuak sortzeko eta fabrikatzeko. Ildo horretan, Xsleevek, Euroeskualdearen mailan lankidetza publiko eta pribatua garatuz, parte hartzen duten erakundeen eta lurraldearen berrikuntza eta lehiakortasuna sustatzen ditu.

Proiektu honetan parte hartuz, Navarrabiomedek berretsi egiten du mugaz gaindiko lankidetzaren aldeko apustua, berrikuntzaren, ezagutzaren, hazkundearen eta lehiakortasunaren bultzadaren iturri gisa.