Aragoiko Osasun Ikerketarako Institutuko Ikerketari Laguntzeko Unitate Teknikoko (IISA) ordezkariek Navarrabiomed bisitatu zuten asteazkenean, martxoaren 22an, CellMa Terapia Aurreratuen Gela Zuriko instalazioak ezagutzeko. Cellma Gela gizakientzako sendagai esterilak egiteko prest dago. Navarrabiomedeko zerbitzu zientifiko tekniko honen arduraduna, Natalia Ramírez eta Zentroko zuzendaria, Maite Mendioroz arduratu zen haiei harrera egiteaz eta instalazio oso espezializatu horren berri emateaz. Gaur egun, akreditazioaren azken fasean dago.

IISAren aldetik, Eduardo Pastor Miedesek, Elisa Del Barrio Cortések eta Carmen Oñate Salafrancak hartu zuten parte. Montserrat Abad Lavilla arkitektoa eta María Teresa Pintanel erakundeko Terapia Aurreratuen Unitatearekin lankidetzan aritzen diren ingeniaria ere izan ziren taldean.
 

Espazioak egokitzea eta teknologia erabilgarria 

Bisitaldian, Aragoiko IISeko ordezkariek instalazioko azpiegitura ezagutu ahal izan zuten, baita ekipamendu orokorra eta gama altukoa kokatzeko behar dena ere. Horrez gain, CellMa Gela Zuria abian jartzeari buruzko alderdi teknikoak kontsultatu zituzten, bai eta langileen antolaketarekin eta organigramarekin eta Fabrikazio Egokirako Arauen (NCF) farmazia-kalitatearen sistema ezartzeko prozesuarekin zerikusia duten gaiak ere, ingelesez “Good Manufacturing Pract-GMP”.

Xehetasun horien guztien berri emateko, Edurne Echeverría Navarrabiomedeko Kudeaketa Bulegoko arduraduna eta Blanca CellMa Aretoko teknikariak ere izan ziren bisitan.

Navarrabiomedeko Gela Zuria egiaztatze-prozesuan dago, eta Espainiako Medikamentu Agentziak (AEMPS) 2023ko bigarren seihilekoan ziurtatuko duela espero da.
Bisita horrek autonomia-erkidegoen artean praktika onak trukatzea dakar, eta erakundeen lankidetza sustatzen du kudeaketa eta ikerketa biomedikoaren arloan.